「母乳」係上天賜畀初生嬰兒最寶貴嘅食物，係人體自然分泌嘅一種機制，無論係自然分娩或者剖腹產，寶寶出世後，媽媽都會自然分泌母乳。母乳含有寶寶成長所需嘅營養，隨住寶寶嘅成長，母乳嘅成份會自然調整，令寶寶可以健康成長。
母乳媽媽們最怕就係奶量不足，擔心寶寶食唔飽、唔夠營養，所以母乳媽媽要避免食用退奶食物。
{adv here}
退奶三寶
1) 人蔘
退奶功效非常顯著，一食就退，通常被要停止餵哺母乳嘅媽媽用嚟退奶，可以直接口含蔘片，或者飲人蔘湯等。
2) 韭菜
好多菜式都有可能出現韭菜嘅蹤跡，食多咗都有可能減少奶量。
3) 生麥芽
生麥芽係一種用嚟退奶嘅藥材。一般嘅麥片、麥芽糖、全麥麵包，所含嘅穀麥含量唔高，通常不至於造成退奶。
{adv here}
其他易退奶食物
會造成退奶嘅食物，同體質都有關係，有人吃咗會冇分別，有人食咗第二日奶量就明顯減少。容易造成退奶嘅食物，通常都係寒涼屬性。寒涼食物非常多，唔需要全部戒食，建議媽媽們可以自己觀察飲食，如果今日食咗一種比較寒涼嘅食物，第二日就出現奶量減少嘅情況，往後就要避免進食呢種食物。
蔬菜類：蘆筍、絲瓜、冬瓜、青瓜、苦瓜、通菜、西蘭花、九層塔、竹筍、芽菜
水果類：梨、林柿、橘子、芭樂、草莓、西瓜、水蜜桃、西柚、奇異果、菠蘿、香蕉、蓮霧
資料來源：光量蔬食生活網
