唔少準媽媽喺生BB嘅時候都俾另一半激到反白眼，呢班豬隊友一係就好似局外人咁，全程玩電話打機，一係就喺陪產過程中表現得手足無措、越幫越忙。到底點樣先可以令老公成為「產房神隊友」？
{adv here}
{adv here}
要做神隊友 先要搞清楚懷孕生產過程
準媽媽可以帶埋老公一齊去參加產前培訓課程，可以幫準爸爸了解媽媽喺生產時嘅身體變化，同時爸爸媽媽可以了解每種醫療措施嘅優點缺點，包括催生、無痛分娩、剃毛同埋灌腸等等，提前做好生產準備。經過產前課程嘅學習，爸爸將會成為媽媽待產生產時嘅教練，減低媽媽嘅不安感。
老婆待產中，神隊友應該…
1. 幫老婆按摩緩解疼痛。
2. 協助老婆調整呼吸節奏。
3. 提醒老婆如廁、補充水分。
4. 餵老婆食有熱量、容易消化嘅食物儲備體力。
待產過程中，子宮收縮嘅次數越來越頻密，壓力越來越高，媽媽通常都會瞌埋眼，全神貫注去應付宮縮帶來嘅不適，呢個時候爸爸要仔細觀察媽媽嘅表情同埋動作變化，及時提供佢需要嘅協助。
隨著宮縮越來越強，媽咪嘅呼吸都會變得急促、輕淺，有可能出現換氣過度嘅情形，呢個時候需要幫助媽媽調整呼吸節奏，可以一邊叫口號一邊用手勢加強動作，將手心向上講「吸氣」，再將手心向下講「呼氣」，同時間可以幫媽媽加油打氣「啱啦，就係咁，做得好好！」
{adv here}
除咗幫助媽媽緩解疼痛、調整呼吸節奏，亦要盡量俾媽媽維持係舒適嘅狀態，一有時間就餵媽媽食一啲有熱量又唔油膩嘅食物，俾媽媽儲存體力；隨時提醒媽媽補充水份，避免嘴唇太乾；另外，隔兩個鐘就提醒媽媽去廁所，避免膀胱膨脹擠壓子宮，阻礙BB下降。
資料來源：聯合新聞網
