現今社會，大家都普遍關注女性嘅生育能力問題，但就往往忽略咗男性嘅最佳生育年齡。大部分人都會覺得男性嘅生育能力持續時間比較長，事實上，各方面嘅因素對男性嘅生育能力都有一定影響，咁男性嘅最佳生育時間，你又知唔知？
{adv here}
有研究顯示，男性最佳生育年齡為30-35歲，喺呢個年齡段，精子嘅活力同質量都係最好，有較強嘅生命力。呢個階段無論係生活環境定係事業都相對穩定，經濟狀況較好，對於生小朋友嚟講整體環境都比較適合。
隨著男性年齡增長，來自男性染色體嘅疾病都會不斷增加，胎兒出現畸形以及新生兒死亡嘅機會率都會隨之增加。
{adv here}
當然，男士們都可以喺日常生活中注意保護自己嘅生育能力。以下幾點需要注意：
1) 避免高溫
睾丸嘅正常生精溫度一般比體溫低兩度左右，而睾丸溫度升高會直接影響到男性精子嘅質量。想確保精子嘅生產同發育良好，男性平時要注意選擇寬鬆透氣嘅衣物，避免長時間坐低，可以做適量運動增強精子嘅活力。
2) 健康飲食
避免進食辛辣油炸嘅食物，可以食多啲新鮮蔬菜水果等，增加維他命、鋅、硒等營養素嘅攝取量，可以提升懷孕嘅機會。
3) 戒煙戒酒
吸煙同飲酒不單止會影響精子嘅活力，仲會降低精子質量，導致不孕、流產或者胎兒畸形，所以準備生育嘅男性就最好戒煙戒酒。
資料來源：愛經驗
