端午節就快到，好多人都會買材料自己包糉，或者買現成糉應吓節，不過市面上嘅糉五花八門，要點食先可以食得健康？營養師提醒，糉都有「三高」，最好一日只食1隻，而且要當正餐食，搭配青菜、水果一齊食，先可以令整體熱量得到平衡。
{adv here}
咸肉糉屬高油脂、高熱量、高鈉嘅「三高食品」，一般傳統咸肉糉常用食材，例如糯米、花生、五花腩、鹹蛋黃等，都係高油脂高熱量，再加上糯米及其他餡料經常會用油炒熟，1隻糉嘅熱量可以高達700卡路里，過多嘅熱量有可能造成體重增加，提升心血管疾病風險。
想減少熱量及脂肪攝取，可以改變配料，例如用紫米、薏仁、燕麥、紅藜麥等全穀根莖類來取代糯米，用瘦肉、雞肉、海鮮等低脂肉類來替代五花肉，就可以食得更安心。但腎病患者要注意，全穀類屬於高磷食物，而腎病患者需要按制磷嘅攝取量，所以要避免一般養生糉、全穀糉，建議選擇普通糯米糉。
{adv here}
市面上嘅糉一般都偏鹹，高血壓患者應該選擇減少火腿、鹹蛋黃等含鹽份高嘅加工品，儘量避免點豉油等調味料，降低鹽分攝取。只要識得選擇，慢性病患者都可以好好享受節日氣氛。
資料來源：元氣網
