「士多啤梨鼻」係眾多年輕人嘅煩惱，為咗消除鼻頭上嘅黑色點點，美女們都會出盡法寶 – 鼻貼、洗面奶、偏方齊上陣，但係效果往往都唔太理想。有人甚至將士多啤梨鼻當成暗瘡咁擠，結果擠到變酒糟鼻。
莫將酒糟鼻當成暗瘡
好多人生黑頭，都會習慣用手擠。從毛孔擠出嚟嘅就係粉刺，粉刺擠得多容易細菌感染，情況嚴重嘅話便會發展成鼻癤，結果造成酒糟鼻。
另一個常見嘅清黑頭方法就係鼻貼。鼻貼係一種強力膠質鼻膜，經常使用，會導致毛孔組織被徹底破壞，喪失自凈能力，細菌更容易入侵發炎，毛孔會變得越嚟越大。而毛孔變大會導致皮脂分泌過多，容易生暗瘡，最終變成酒糟鼻。
{adv here}
酒糟鼻按病情分3期
1) 紅斑期：鼻部、兩頰、前額、下領等部位出現暫時性嘅充血性紅斑，耐咗會變成持久性紅斑或者毛細血管擴張，表面有油光，遇到冷熱或機械刺激後，充血更明顯。
2) 丘疹膿皰期：病情繼續發展，紅斑上面會出現丘疹、膿皰，但冇粉刺形成，毛細血管擴張更加明顯，縱橫交錯。
3) 鼻贅期：病情長期反覆，鼻尖會變大，形成大大小小嘅結節，表面凹凸不平，稱為鼻贅。
{adv here}
酒糟鼻嘅形成主要同毛囊形蟎感染有關。另外，日曬、情緒緊張、酷熱天氣、風吹、身體鍛煉、酒精、熱水浴、寒冷天氣、辛味食物、潮濕、室內悶熱、護膚產品同熱飲料等都可能係誘因。
目前，酒糟鼻嘅治療多為對症性，儘量防止加重病情嘅因素，調整內分泌，糾正胃腸道功能紊亂，禁煙、咖啡、辛辣刺激性食物，切勿暴飲暴食，保持大便通暢，避免使用刺激皮膚嘅鹼性產品，同埋避免日光暴曬。
資料來源：39健康網
