小朋友免疫力差，只有少部分係由於先天體質差，大部分都係因為家長嘅某啲錯誤做法，破壞咗寶寶嘅免疫力。
{adv here}
1) 過度餵食
好多長輩認為，小朋友要肥肥白白先健康，所以就不停「質」小朋友食嘢，再加上各種營養補充劑，結果小朋友的確肥咗，但身體就變得差咗。因為小朋友嘅腸胃需要不停消化食物，冇時間休息，長此落去就會導致腸胃功能失調，抵抗力下降，仲容易患上腸胃類疾病。
正確做法：保證小朋友健康成長嘅唯一飲食標準，就係保持營養均衡，不用故意補充某一類營養或者增加份量。
2) 過度保暖
好多父母一到冬天就將寶寶包到密密實實，仲要小朋友留喺室內，以為接觸唔到冷空氣就唔會感冒。實際上，咁做會令到小朋友缺乏運動同耐寒鍛鍊，反而更容易病。此外，小朋友著太多衫會容易出汗，出汗後再吹風，反而會更容易感冒。
正確做法：
寶寶滿月，戶外如果冇風，媽媽就可以抱寶寶出去散步。
1~3歲寶寶，冬天應該堅持戶外活動，畀佢出外面感受寒冷，但時間不宜太長。
3~6歲小朋友，應該多鼓勵佢哋冬天做戶外活動。
{adv here}
3) 過度清潔
有啲媽媽每日都會用各種消毒劑清潔家具、玩具，仲會用濕紙巾幫寶寶抹手一百次，以為咁樣佢就冇咁容易病。鍾意乾淨衛生當然冇錯，但如果屋企太乾淨，就會減弱寶寶適應細菌嘅能力。一旦小朋友接觸到外面嘅細菌，免疫系統就會反應過激，從而導致寶寶更容易敏感、腹瀉等。
正確做法：除非出現大規模傳染病等情況，否則大部分清潔工作，用普通清潔劑就可以，唔需要好似醫院咁樣消毒。
資料來源：胡觀世事
