爸爸嘅壞習慣會潛移默化咁影響到小朋友嘅性格。為咗小朋友著想，以下4種爸爸應該儘快改正壞習慣。
沉迷於手機的爸爸
放工返到屋企就開始手機不離身嘅生活，攤喺梳化上面一直打機上網。小朋友想爸爸陪佢玩，爸爸都會全程敷衍，愛理不理。小朋友會諗：究竟爸爸鍾意我多啲定鍾意部手機多啲？
{adv here}
過份溺愛小朋友的爸爸
有啲爸爸對小朋友過份溺愛，小朋友要乜有乜，爸爸從來唔會拒絕，結果愛佢變成害佢。過份溺愛只會令小朋友變得更自私，更加無法無天，缺乏管教嘅小朋友後果可想而知。
「充大爺」的爸爸
大男人主義嘅爸爸，喺屋企當正自己係大爺，乜嘢都要聽晒佢話，覺得自己做咩都係啱。只要有任何人反對佢，佢就會大發脾氣搞到家嘈屋閉，小朋友喺爸爸嘅影響下，一係就性格懦弱處處忍讓，一係就變得性格暴戾。
{adv here}
不良嗜好太多的爸爸
不良嗜好包括吸煙、飲酒、講粗口、賭博等，所謂上樑不正下樑歪，唔好低估小朋友嘅模仿能力。爸爸嘅不良行為太多，小朋友喺長時間耳濡目染之下就會有樣學樣。
資料來源：iFunn.com
