有好多家長都發現，小朋友會對某啲物品好迷戀，甚至到咗寸步不離嘅程度。佢哋去到邊都會拎住，如果唔畀佢哋拎住就會不停咁喊。心理學家稱呢種行為叫移情現象，而小朋友依戀嘅物品就叫做移情物品。
{adv here}
{adv here}
小朋友對玩具產生依戀 只因缺乏安全感
小朋友戀物係一種成長過渡期嘅依戀行為，係小朋友由「完全依戀」轉變成「完全獨立」嘅過渡期間產生嘅行為。小朋友產生依戀行為嘅時間，絕大多數發生喺6個月大至3歲之間，佢哋嘅戀物表現喺2歲最強烈。咁點解小朋友會迷戀呢啲物品呢？因為呢啲物品係小朋友心理安全感嘅依靠，特別係夜晚，佢哋嘅安全感就會大大降低，呢個時候嘅小朋友最需要父母嘅陪伴，如果父母唔喺身邊，呢啲物品就會變得非常重要。
當小朋友慢慢長大，某啲移情對象，特別係毛公仔，開始有鮮明嘅個性，慢慢轉變成安慰者同埋虛擬朋友嘅混合角色，所以有好多寶寶都會同毛公仔傾計。
小朋友戀物 父母應該注意自己嘅行為
大部分有戀物癖嘅小朋友，父母經常唔喺自己身邊，令到佢哋缺乏安全感。下面有六種情況都會造成小朋友嘅戀物癖：
1. 小朋友好細個就同父母分開，成日見唔到父母；
2. 平時主要由老人家或者工人湊，同父母相處嘅時間太少；
3. 同小朋友親密接觸嘅時間太少；
4. 好少同小朋友進行健康活動，令小朋友經常處於無聊嘅狀態；
5. 小朋友同外界接觸得太少
{adv here}
戀物係咪對身體有害處？
一般嚟講，只要小朋友對物品嘅迷戀程度冇影響到生活作息，咁家長就唔洗太擔心。如果小朋友嘅依戀行為嚴重，幾乎要將依戀嘅物品24小時帶喺身邊，咁樣家長就需要注意。例如奶嘴，如果只係喺寶寶扭計大喊嘅時候拎嚟用一陣就可以，但係如果寶寶經常含住奶嘴唔放，咁樣不單止會容易造成門牙突出變形，仲會好容易引致蛀牙，甚至會影響寶寶學講嘢。
資料來源：大紀元
