嬰兒猝死症係初生嬰兒頭一年最常見嘅死亡原因，多數發生喺2~3個月大嘅嬰兒，而2個月以下或者6個月以上嘅嬰兒就比較少見。
{adv here}
{adv here}
嬰兒猝死的原因
1. 同睡眠時呼吸暫停太耐有關。正常嬰兒喺睡眠狀態會有呼吸加速、呼吸減慢、呼吸暫停嘅情況輪流出現，但暫停時間一般只有5~7秒，如果超過20秒就會出問題。
2. 正常嬰兒血液入面嘅二氧化碳濃度太高時，腦幹會發出呼吸加快嘅信號，令血液入面嘅二氧化碳濃度降低，氧氣嘅濃度升高，如果腦幹出咗問題，頸動脈體對血液入面嘅二氧化碳濃度增加的敏感度反應降低，而引起嬰兒發紺、心跳減慢，呼吸停止。
3. 有人認為嬰兒猝死症同上呼吸道功能唔正常有關。嬰兒由於構造同發育特殊例如舌頭往後傾、頸部過於彎曲，容易壓迫喉部引起上呼吸道阻塞。
{adv here}
4. 嬰兒胃部食物倒流嘅現象經常發生，嚴重嘅倒流，會令胃部液體逆流至食道，造成喉部肌肉緊縮，引起副交感神經興奮，造成心跳次數減少及窒息。
如何預防嬰兒猝死症？
1. 餵完bb飲奶一定要掃風排氣後先放落床瞓覺，如果bb容易嘔奶，最好向右側瞓。
2. 冬天時，房間唔好太過封閉，要保持空氣流通，被唔可以太厚，以免壓迫到呼吸道，造成窒息死亡。
3. 如果6個月以下嘅bb自己一個人瞓，必須經常檢查。
4. 檢查發現，喺流感高峰期，嬰兒猝死率都會特別高；屋企以前曾經有bb死於嬰兒猝死症，下一胎發生嬰兒猝死嘅機會比平均高出五倍以上，家長要加倍小心。
資料來源：壹讀
