生活中，大人經常會讚小朋友「聽話」、「懂事」，「乖孩子」，然而有幾多父母知道，所謂嘅「乖孩子」絕對唔係判斷一個小朋友好與壞嘅標準。透過威迫或者利誘嘅方式令小朋友聽話唔扭計，只會令佢哋喪失獨立思考能力。更嚴重嘅係，如果小朋友被教育成一個人見人讚嘅「乖孩子」，而令到佢嘅個性受到壓抑，父母反而要多加注意。
{adv here}
相信大家都認識一啲小時候調皮百厭嘅同伴，長大後往往會有更大成就，而好多小時候嘅典型乖孩子，長大後依然乖，但無論喺事業上還是家庭上都會遇到挫折，甚至會患上抑鬱症、焦慮症。呢種「好人」善於「睇人眉頭眼額」，討好其他人，結果只會承受好多不必要嘅壓力。
小朋友嘅成長就好似一棵樹，自然生長會枝繁茂盛，而用欄柵圍起來雖然外形會符合期望，但會壓抑住好多自然成長嘅動力而造成內傷。小朋友將來喺工作同生活中嘅表現，取決於佢嘅思維模式以及應對問題嘅方式，所以「乖孩子」長大後容易遇到種種問題。另外，有啲小朋友表面乖，其實內心非常反叛，到咗一個父母都無法控制嘅地步，就會爆發出來。
{adv here}
父母教育子女時，要意識到每個小朋友都係獨立個體，應該尊重小朋友並給予發展空間，令佢哋可以發揮潛能，發現自我，感受幸福，創造自我價值。教育小朋友時應該注意以下幾點：
1) 不要太過干涉小朋友嘅想法、需求、意願，可以嘅話應該儘量配合；
2) 要給予愛、鼓勵同支持，而唔係威脅、控制、懷疑或者批判；
{adv here}
3) 唔好強迫小朋友認同自己嘅想法；
4) 鼓勵小朋友勇敢表達需求。
父母要記住，教育一個乖孩子嘅初衷係希望小朋友成為一個有教養，有禮貌，有自信嘅人，而唔係為咗要令到小朋友冇咗自己，變得逆來順受。
資料來源：每日頭條
