有啲家長認為小朋友食多啲嘢就會長高，但專家指出，小朋友食得太飽，反而會影響身高。因為人喺血糖低嘅時候，亦即係喺飢餓狀態下，會促進腦垂體分泌更多生長激素，刺激兒童骨骼生長，如果食得太飽，反而有可能影響生長激素嘅分泌。所以，家長們唔好再逼小朋友食飯，飯後唔好再畀佢哋食零食，不單止會影響生長激素分泌，仲會導致兒童性早熟，令小朋友變得更矮。
{adv here}
{adv here}
想小朋友長高，食得多不如食得全面，特別要注意攝取蛋白質、維他命D同埋鈣質、磷等物質嘅食物，例如奶類、豆製品、魚、蝦、瘦肉、蛋、蔬菜、水果等。
睡眠同埋運動都好重要
小朋友嘅身高同睡眠都有直接關係，人體喺晚上11點到凌晨1點會由大腦垂體分泌生長激素，但如果呢個時候人體處於清醒狀態，生長激素會停止分泌，所以小朋友最好喺晚上10點前瞓覺。
同時，家長要經常帶小朋友做運動，到大自然吸收紫外線，補充體內嘅維他命D。
{adv here}
預防性早熟
凡青春象徵喺7歲前出現，或者初潮喺10歲前發生就屬於性早熟。專家指出，性早熟嘅直接影響就係骨齡提前成熟。所以，小朋友要長高就一定要防止性早熟情況出現，最好一年檢查一次骨齡，一旦發現骨齡增長得太快，就要搵出原因。
資料來源：壹讀
