如果有留意，媽媽們會發現當自己釋心打扮後去接小朋友放學，佢哋會特別開心。有啲媽媽會唔高興，難道媽媽唔扮靚小朋友就會嫌棄？到底點解小小年紀就咁在乎外表呢？媽媽嘅外表對小朋友又有咩影響？
{adv here}
小朋友的虛榮心
不得不承認，小朋友都有虛榮心，鍾意比較，而且鍾意炫耀。當媽媽們打扮得年輕漂亮去接放學，小朋友會恨不得所有人都知道，呢位「靚媽」就係佢嘅媽媽。咁樣並唔代表小朋友會嫌媽媽醜，因為喺小朋友眼中，媽媽永遠都係最溫柔體貼，任何人都無法取代。但如果媽媽可以注意下自己嘅形象，小朋友就會更加有自信。
積極的生活態度會傳染
媽媽鍾意化妝扮靚或者不修邊幅，不單止外表睇起上嚟唔一樣，所表現出嘅生活態度亦都截然不同。如果一位媽媽畀人感覺積極陽光，打扮得精緻，將屋企收拾得乾凈整齊，我哋可以從細節睇得出呢位媽媽對生活有要求。呢種生活態度會影響到小朋友，令佢哋更加自信、大方。
{adv here}
相反，如果媽媽經常以蓬頭垢面嘅形象示人，時常表現出對生活嘅無奈，小朋友會被媽媽嘅情緒感染而變得冇自信。
氣質上的影響
會好好打扮自己嘅女人，一定係講究嘅女人。呢種特質會蔓延到生活嘅點點滴滴，從屋企擺設到飯菜搭配都會比較有內涵。呢種生活修養會潛移默化咁影響小朋友，令佢往後嘅人生都唔會過得求求其其。以後踏入社會，佢嘅每一個抉擇都會經過慎重考慮。咁樣嘅小朋友，即使長大後未必有輝煌嘅成就，都未至於會受太多苦。
資料來源：iFuun
