寶寶太約6個月大開始加固，呢個時候寶寶嘅輔食唔需要加入任何調味料。對於寶寶來講，高鹽飲食係非常危險，因為攝取過量嘅鈉容易引起呼吸道疾病，影響身體對微量元素嘅吸收，仲會影響腎臟同心臟嘅發育，引起高血壓等疾病。而且，從小養成「重口味」嘅飲食習慣，會增加長大後患高血壓等疾病嘅風險。所以，寶寶嘅日常飲食一定要嚴格控制鹽嘅攝取量。

{adv here}

1歲以下無需加鹽
天然食品中嘅鹽已經可以滿足寶寶需要，所以1歲以下唔需要額外加鹽。

1~3歲盡量少食鹽
呢個階段嘅幼兒每日需要700mg嘅鈉（相當於1.8g食鹽），但一般情況下，寶寶可以從食物當中獲取足夠嘅鈉，例如奶類、主食、肉類、綠葉蔬菜、水果等，所以3歲以下嘅寶寶應盡量少食鹽，只要寶寶接受到無加鹽嘅食物，就唔需要刻意加鹽。

3~6歲每天攝入食鹽不超過2g
3-6歲嘅小朋友每日大約需要900mg嘅鈉（相當於2.3g食鹽），除咗食物本身含有嘅鈉，必須透過食鹽獲取嘅鈉並唔多，因此3-6歲嘅寶寶每日攝取嘅食鹽唔應該超過2g。

{adv here}

不要忘了「隱形鹽分」

雖然大部分家長都會按照專家嘅建議控制食鹽嘅攝入，但實際上小朋友嘅食鹽攝取量已經超標，因為家長們普遍都忽略咗隱形鹽分。例如一份早餐麥片嘅鈉含量可以高達1030mg, 已經超出一個3-6歲兒童每日嘅攝取上限，而兩片半白麵包嘅鈉有可能超過600mg。一啲甜嘅零食，例如餅乾、蛋糕、雪糕等，生產過程中都需要加入鈉，好似檸檬夾心餅，每100g就含有700mg嘅鈉，朱古力夾心餅則有500mg。

資料來源：字媒體