相信有好多家長都遇過呢啲情景：自己嘅小朋友好開心咁玩緊玩具嘅時候，佢嘅玩具突然俾其他小朋友搶咗，你嘅小朋友好可憐咁一邊望住你，一邊眼白白咁睇住其他人玩自己嘅玩具。
{adv here}
{adv here}
面對呢個情況你會點做呢？好多家長都會因為面子，唔好意思喺其他小朋友手上攞返玩具，反而係同自己嘅小朋友講：「借畀小朋友玩一陣啦，我哋玩住其他玩具先好唔好？」
但係，有一個家長嘅做法好另類，就係喺自己小朋友面前，直接幫小朋友攞返玩具返嚟！其實，呢個做法先係正確。
首先，講返自己嘅小朋友，玩具俾其他人搶咗，小朋友嘅內心一定好難受，呢個時候家長如果唔去維護佢嘅權利，小朋友對家長嘅依賴感就會降低，甚至小朋友會開始唔信任家長。
長遠落去，小朋友唔單止會養成懦弱嘅性格，而且遇到對自己不利嘅事，都唔敢反抗，甚至冇咗意識去維護自己擁有嘅嘢，習慣性咁承受委屈，久而久之好容易會有抑鬱嘅情緒。
{adv here}
其次就係，如果你係想用呢個方式教導小朋友去同人分享，咁呢個諗法就真係大錯特錯！因為，對於小朋友嚟講，喺一個非自願嘅情況下將自己嘅玩具讓畀人，佢只係被動強迫咁去分享。真正嘅分享，應該係喺小朋友玩緊玩具嘅時候，見到其他小朋友望實又好想玩嘅時候，佢主動畀其他小朋友玩。呢種分享唔單止會帶來愉悅感，仲可以令佢哋喺分享入面，識到真正朋友。
講返頭先嘅問題，點解家長要幫小朋友攞返件玩具返嚟呢？呢個舉動可以話畀小朋友知，玩具係屬於佢嘅，佢有權決定畀唔畀其他人，同埋喺自己受到傷害嘅時候，要識得反抗，大膽Say No。
資料來源：Q博士
