好多小朋友都習慣將玩具同雜物周圍擺，無論媽媽將房間收拾得幾整齊，不出一小時，小朋友就可以將整齊房間還原！但原來小朋友房間亂，未必係壞事。
{adv here}
經濟學家提姆·哈福德喺佢執筆嘅書《混亂》中提到，如果一個人嘅枱面收拾得特別整齊，書籍、文具永遠都擺放得井井有條，就說明呢個人缺乏創造力，相反，如果一個人嘅書枱唔太整齊，就說明呢個係一個有想法嘅人。有唔少名人，例如喬布斯、愛因斯坦等嘅書枱都係比較凌亂。
換個角度思考呢個問題，一個小朋友嘅房間到處都係玩具，意味着佢係一個鍾意搗亂嘅小朋友，如果小朋友嘅房間空無一物乾乾淨淨，又代表咩呢？只可以話呢個小朋友嘅童年係冇趣味嘅。
玩具係買嚟畀小朋友玩，唔係畀人欣賞，冇必要擺放到好似展覽品一樣。啱啱買返嚟嘅新玩具小朋友都未玩夠，就被有潔癖嘅父母收起，咁做會大大破壞小朋友嘅創造性。
{adv here}
但家長要記住，房間亂並唔等於房間污糟，污糟同亂雖然經常被拉埋一齊講，但絕對係兩個唔同嘅概念。媽媽可以容許小朋友嘅房間唔太整齊，甚至喺牆上面塗鴉，但絕對唔可以污糟，例如玩具油淋淋又多細菌，牆身同地板都滿布灰塵，咁就已經同「亂」係兩回事。所以家長可以唔在乎玩具書籍嘅擺放問題，但就一定要注意清潔衛生，畢竟小朋友生活喺一個衛生環境惡劣嘅地方會影響健康。
雖然創造力同房間凌亂與否冇必然關係，但如果可以騰出一個玩耍區畀小朋友，冇大人嘅干涉，佢一定可以玩得更盡興，探索慾望會更強。
資料來源： 每日頭條
