話咁快暑假又到尾聲，莘莘學子係時候收拾心情，準備重返校園。小朋友一諗起自己將要面對排山倒海嘅功課，心情即時變得同個書包一樣咁沉重。今次就同大家睇睇書包過重所引起嘅健康問題。
{adv here}
沉重嘅書包容易令到小朋友寒背、高低膊、長短腳、背部痠痛，嚴重可以導致脊椎側彎，透過拉筋按摩、肌肉訓練等非藥物治療後可以改善。
醫生表示，兒童有兩個發育階段容易造成脊椎側彎，第一個階段係8~10歲，第二個階段係13~15歲。雖然有研究顯示，脊椎側彎有9成都先天性不明原因所造成，但並唔代表可以排除後天因素嘅影響，包括負重過度同姿勢不良，都應該列入考量因素。
當中最明顯嘅問題，就是孭書包。當身體要對抗負重就自然會向前彎，容易造成寒背，當左右兩邊重量唔對稱，就會造成側彎，而盆骨傾斜就容易導致高低膊，仲會有變成長短腳嘅可能。雖然有好多家長都已經畀小朋友改用「拖拉式」書包，用拖來代替孭，但上落樓梯都仍然要用手拎。
醫生建議，小朋友嘅書包重量唔應該超過體重嘅10%，而且孭書包時，書包應該緊貼小朋友背部，要避免做出寒背或者頭部往前伸嘅姿勢。
{adv here}
想解決重量壓迫導致痠痛、寒背等問題，就要強化核心肌肉，建議家長可以搵專業人員教導小朋友練習深蹲同仰臥起坐，訓練背肌同腹肌。另外，小朋友可以多做體操、跳繩同跑步，只要強化身體，有足夠嘅負重能力，就可以減少出現痠痛疲勞。
資料來源：元氣網
