生BB嘅十級痛究竟有幾痛？有人話好似斷咗一隻手指咁痛，亦有人話比中槍更痛，總之就係痛到「來回地獄又折返人間」。嬌生慣養嘅女孩子，諗起都已經標冷汗。所以，對於好多準媽媽嚟講，無痛分娩就係佢哋嘅救命符。但決定用邊種分娩方式之前，孕婦必須先了解無痛分娩對產婦同BB有咩影響。
{adv here}
1) 無痛分娩不是真的無痛
無痛分娩只會減輕產婦嘅痛楚，子宮收縮引起嘅腹痛依然會感受到。再者，有啲產婦打咗麻醉藥後效果唔明顯，舒緩唔到痛楚，結果白白捱咗一針。無痛效果明顯與否，要視乎產婦體質同精神狀況，產婦越緊張同焦慮，無痛效果就越唔明顯。
2) 延長產程
有研究結果指出，無痛分娩可能會令第二產程延長15 ~ 20分鐘，過程長咗，會更大機會出現問題。
{adv here}
3) 產婦用力困難
打咗無痛嘅產婦，控制點樣用力，用幾多力，都有一定困難。一般情況下，產婦需要30 ~ 60分鐘先可以恢復知覺。
4) 影響母乳餵哺及引發產後抑鬱
2015年一項研究中，研究人員對來自59個國家嘅6,410名產婦進行對比，結果顯示，有打無痛嘅婦女，比冇打無痛嘅婦女患上產後抑鬱症嘅機率較高，而母乳餵哺率則較低。另外，澳洲一項研究亦發現，有打無痛嘅婦女喺孩子6個月大時斷奶嘅機率，比冇打無痛嘅婦女高出一倍。
資料來源：壹讀，Belly Belly
