同小朋友談及金錢問題，係做父母離唔開嘅教育話題，好多家長慣性同自己嘅小朋友呻窮，成日同佢哋講屋企冇錢，諗住咁樣會令小朋友加倍努力，長大後會賺錢養家。短期來睇，呻窮的確可以令小朋友變得聽話，唔會亂咁使錢，但係會影響小朋友一世。
{adv here}
{adv here}
父母經常呻窮，會對小朋友造成以下不良影響：
1) 小朋友會缺乏安全感
大人平時講錢嘅方式，會對小朋友產生長遠影響。例如我哋話「買唔起」某樣物品，買唔起即係缺乏能力，咁樣會令小朋友覺得爸爸媽媽養自己養得好辛苦，甚至養唔起自己，長此落去會令小朋友冇安全感。
2) 小朋友會變得自卑，形成錯誤金錢觀
如果家長成日同小朋友呻窮，小朋友就會覺得屋企真係冇錢，唔似得其他人屋企，咁樣會令小朋友喺其他人面前變得好自卑。當小朋友想要某一樣嘢嘅時候，你成日話買唔起，呢種貧窮嘅觀念會成為咗佢嘅束縛。小朋友長大後，好有可能會更加追逐金錢，令小朋友形成錯誤嘅金錢觀。
{adv here}
要培養小朋友正確嘅金錢觀，可以從呢三方面入手
1) 唔應該買嘅情況
小朋友要求買嘢，如果家長認為唔應該買，要同小朋友解釋清楚點解唔可以買。家長唔好因為小朋友喊就妥協，妥協一次就可能之後次次都妥協，所以家長最好喺一開始嘅時候就嚴厲咁拒絕小朋友嘅要求，當小朋友覺得呢個方法冇用，以後就唔會咁做。
2) 買唔起嘅情況
當遇到買唔起嘅情況，要坦白同小朋友講，呢樣嘢超出咗我地嘅預算，令小朋友自我思考。另外，要同佢講點解唔可以買呢樣嘢，引導性咁同佢講，將買呢樣嘢嘅錢用喺第二個地方，可能會更有價值。
3) 適當地給小朋友零用錢
家長要適當咁畀零用錢小朋友，令佢哋學識管理金錢，咁樣可以令小朋友大致上知道屋企嘅狀況，慢慢明白到賺錢唔容易，亦都唔會因為貧窮而感到自卑。
