好多準媽媽認為分娩一定要選擇剖腹產，順產除咗要經歷十級陣痛，下面仲要捱一刀。將私處剪開，聽起來確實好恐怖。到底剪會陰係咩一回事？係咪一定要剪呢？

{adv here}

順產為什麼要剪會陰？

順產嘅孕婦，尤其係第一次順產，會陰部比較緊，會陰以及陰道口嘅伸展能力都相對較差。如果胎兒較大，分娩過程較快，就有可能造成會陰撕裂，甚至引起產後嘅排尿排便問題。

剪會陰可以減輕胎兒頭部對產道嘅擴張，避免造成會陰撕裂，仲可以縮短分娩時間，減少胎兒缺氧嘅發生。剪會陰嘅傷口係人為切開，邊緣整齊，比起自然撕裂造成嘅傷口，剪會陰嘅傷口縫合後癒合嘅速度較快，外觀亦都比較好。 

順產一定要剪會陰？

其實剪會陰只係防止分娩時造成撕裂嘅預防措施，原意係為咗減少孕婦所承受嘅傷害，理論上，只要能夠順利分娩就唔需要剪會陰。但當出現以下問題時就建議選擇剪會陰。

1) 孕婦會陰部彈性差、陰道口狹窄或者會陰部有炎症、水腫等情況，估計胎兒出生時好大機會造成會陰撕裂。

2) 年齡超過35歲嘅高齡產婦，或者有心臟病、妊娠高血壓等疾病，為咗減少體力嘅消耗，縮短產程，減少分娩對母嬰嘅威脅，呢個情況剪會陰會較為有利。

3) 孕婦有大近視，如果產程過長會導致視網膜脫落。

4) 孕婦宮口已經全開，胎頭亦都較低，胎兒有明顯嘅缺氧現象，胎兒心率出現異常情況，而且羊水混濁或者有胎便時，都需要剪會陰。

{adv here}

5) 胎兒較大或者胎位不正，胎兒難以娩出。

6) 胎兒未夠37周，往往承受唔到被產道長時間擠壓，需要剪會陰幫助胎兒及早離開陰道。

7) 需要用到產鉗時，剪會陰可以提供更多空間，方便操作。 

剪會陰會影響產後的性生活嗎？

一般而言，孕婦剪會陰後，傷口完全恢復後陰道仍然有良好嘅彈性，對性生活唔會造成影響。相反，如果冇剪會陰而導致撕裂，傷口會比較難癒合，疤痕會相互交錯，有可能會影響性生活。

剪會陰後會導致尿失禁嗎？

無論分娩時，會陰部有冇被切開，胎兒一樣會經過產道產出，而導致產後尿失禁因素同孕婦嘅盆骨大小、產程長短以及胎兒大小有關。

如果分娩時間長，陰道被長時間撐開就會容易導致尿失禁。所以，尿失禁同剪會陰無關，剪會陰反而可以縮短產程，降低產後尿失禁嘅機率。

資料來源：開心網