大家都知小朋友有無限嘅精力，有時仲會大聲尖叫，令父母覺得唔耐煩。特別係喺公眾地方，一班人用一種「冇家教」嘅眼神望實，更加尷尬同難堪。
應該點樣處理同教育鍾意尖叫嘅小朋友呢？好多父母都好頭痛。其實小朋友同大人一樣，佢哋喺度搵緊一個表達觀點嘅方式，作為父母應該嘗試去感受小朋友嘅出發點同目的。
{adv here}
{adv here}
1) 表示高興
一般發生喺小朋友熟悉嘅地方，或者係同熟悉嘅朋友一齊玩嘅時候，幾個小朋友互相追逐吵鬧。有控制欲嘅父母可能會直接叫停小朋友，打斷佢哋嘅吵鬧，咁樣會令正在玩得興高采烈既小朋友唔開心。
家長可以叫住自己嘅小朋友，一方面表示理解佢哋嘅快樂，另一方面做出適當嘅限制，例如「我知道你好開心，但係屋企有好多客人，大聲叫會令大家唔舒服」。
小朋友係好聰明嘅，當你以尊重嘅方式同佢傾，話畀佢知父母嘅難處，佢會認為受到尊重，反而會主動咁去改正，甚至去糾正其他小朋友。
{adv here}
2) 吸引注意力
小朋友都係以自我為中心，認為成個世界都要圍著佢轉。當佢被人忽視嘅時候，需要表達自己嘅強烈不滿，佢就會用尖叫來吸引大家嘅關注。
當小朋友想媽媽陪佢玩積木，而媽媽做緊其他嘢，冇時間陪佢，小朋友可能會哭鬧尖叫，呢個時候，父母千祈唔好鬧佢，始終小朋友仲細，意識唔到媽媽其實好忙。其實可以同佢哋好好咁溝通，「你玩嘅遊戲係咪要媽媽陪？但係媽媽忙緊，等我忙完之後陪你玩好嗎？」
3) 表達憤怒情緒
好多時候小朋友尖叫係因為唔知道點樣用其他方式表達，只好用呢種原始嘅方式表達情緒。例如佢唔小心踩到木棍跌倒，佢會好嬲，跟住就大喊大叫。呢個時候父母應該用同理心安慰，再教導佢之後行路嘅時候要留意障礙物。記得唔好淨係一味制止小朋友嘅吵鬧，對於小朋友，同理心係非常重要。
資料來源：雪花新聞
