有啲爸爸媽媽發現小朋友成日無啦啦尖叫，就算點樣氹都冇用。呢個時候唔單止爸爸媽媽覺得煩，仲會煩到其他人。到底係咩原因令到小朋友尖叫呢？爸爸媽媽又應該點做？
{adv here}
{adv here}
小朋友點解會尖叫？
當小朋友想得到某樣嘢，而大人冇及時滿足佢嘅要求，佢就會用尖叫嚟到表達。另外，好多時小朋友提高自己聲量其實唔係想故意激嬲爸爸媽媽，而係小朋友精力充沛嘅表現。小朋友仲細嘅時候，佢哋會探索自己聲音嘅力量，控制唔到自己聲量所以經常會尖叫。
父母應該點做？
小朋友尖叫時，如果爸爸媽媽對住小朋友大聲喝罵嚟制止佢哋，只會令佢哋誤以為大聲就有用。爸爸媽媽可以咁做：
1. 請小朋友細聲啲
如果小朋友係因為開心而大叫就唔好批評佢。如果小朋友嘅音量真係太大，父母就需要干涉一下。但爸爸媽媽要注意，同小朋友講嘢時唔可以大聲，咁樣小朋友先會慢慢冷靜落嚟。
2. 接納小朋友感受
如果小朋友尖叫係為咗得到注意，咁就最好關心一下小朋友同埋睇吓小朋友嘅身體狀況。如果你同小朋友喺人多嘅地方，小朋友可能會因為唔適應而尖叫，呢個時候最好儘快帶佢哋離開。
{adv here}
如果你覺得小朋友覺得無聊或者煩躁，就應該安慰吓佢：「我知道你想返屋企，但媽媽依家有嘢要做。一做完就即刻帶你返屋企好唔好？」咁做可以畀小朋友知道你係在乎佢哋嘅感受，亦都可以令到小朋友勇於表達自己嘅諗法。
如果小朋友尖叫係想你滿足佢嘅要求，爸爸媽媽就唔可以咁輕易滿足佢哋。即刻滿足小朋友嘅話，會令佢哋覺得自己可以用尖叫來達成目的。爸爸媽媽可以試吓咁做：「我知道你想食餅乾，但你要去洗手先。」
資料來源：每日頭條
