現今社會大多數人都認為瘦就等於靚，就連懷孕期間都積極控制體重，有啲女藝人懷孕八、九個月，睇起嚟就只有三、四個月，令好多女性高呼羨慕。但係婦產科醫生提醒，懷孕期間需要有適量嘅增重，先唔會令BB出世嘅時候體重過低，所以增加10至12公斤係正常範圍，如果唔係不單止BB虛弱，媽媽懷孕後期都會冇力，唔夠力生BB。
{adv here}
{adv here}
懷孕期間嘅體重係好多媽媽關心嘅話題，有人會擔心增磅太多會瘦唔返，所以喺懷孕期間會積極控制體重。但根據美國產科協會（ACOG）建議，身體質量指數（BMI）小於18.5嘅女性，懷孕期間應該增加12.5至18公斤， BMI係18.5至24.9公斤嘅女性就應該增加11.5至16公斤，如果BMI超過30，只需要增加5至9公斤之間。
懷孕期間過肥或者過瘦都會對媽媽同BB造成影響。由於懷孕需要消耗較多體力同血液，如果冇適當增重，就可能會影響BB吸收營養，出世之後就好容易有低體重情形，尤其增磅唔夠5公斤嘅媽媽，媽媽因為肚皮嘅彈性比較差，仲可能會提高早產同大量出血嘅風險。
雖然懷孕期間過度控制體重對BB有負面影響，但係醫生都提醒媽媽唔可以過度增重。萬一懷孕期間增重超過20公斤，就好容易出現妊娠糖尿病，令BB一出世就血糖低。另外，營養太多會令BB生長太快，增加生產嘅難度，媽媽亦有可能出現羊水過多、高血壓等等症狀。
{adv here}
咁懷孕期間到底應該增重幾多公斤先正常？醫生表示，主要都要睇返孕婦原本嘅體重，如果懷孕前係屬於纖瘦體型或者BMI屬於過瘦範圍，增重16至18公斤都係正常。但係，如果體重超過100公斤嘅媽媽就建議喺懷孕期間嚴格控制體重，唔可以增加超過5公斤。而媽媽生完BB之後，隨著羊水、胎盤同埋BB排出之後，就會直接減重5至6公斤，如果懷孕期間體重控制得好，應該就好快回復苗條身型。
資料來源：ETtoday
