近日天氣越嚟越熱，鍾意游水嘅準媽媽係咪已經心郁郁想去泳池游番轉？稍安毋躁，先來睇吓孕婦游水嘅好處。
{adv here}
{adv here}
唔好以為游水唔安全
準媽媽唔好以為懷孕期間游水係唔安全，事實上，游水對準媽媽來講係一種有益嘅帶氧運動。如果準媽媽懷孕前一直有游水嘅習慣，而孕期時身體狀況良好，咁就由懷孕初期開始已經可以游水。最重要嘅係，游水係一種需要動用全身肌肉嘅運動，可以促進血液循環，幫助BB發育得更好。
游水可以消除孕期水腫
準媽媽游水可以消除水腫，調節情緒，對盆骨都係一種好好嘅鍛練。
游水改善血液循環，幫助準媽媽順利分娩
游水可以增加腹部韌帶力量同埋鍛練盆骨關節，仲可以增加肺活量，避免懷孕中期或者後期患上心臟血管方面嘅疾病，游水借助水嘅浮力，可以輕鬆改善血液循環，減少分娩過程引起嘅腰痛、痔瘡、靜脈曲張等等症狀，係一種可以幫助準媽媽順利分娩嘅運動。
{adv here}
孕婦游水注意事項
1. 要選擇水質，清潔度，過濾消毒設備完善，管理得好嘅泳池，保障衛生同安全。考慮室內溫度同通風情況，以免游水或者休息時因為環境嘅溫度唔適當而生病。
2. 準媽媽游水時要留意水溫，一般都要維持喺攝氏29至31度之間，如果水溫低過攝氏28度就有可能刺激子宮收縮，容易早產，水溫高過攝氏32度就好容易攰，游水時間最好係10am ~ 2pm之間，最好喺有同伴陪同下進行。
3. 游水前要注意補充足夠液體，因為準媽媽好容易脫水。游水時人雖然喺水入面，但始終會消耗能量，運動前切勿過飽或者空肚。過飽會增加身體負擔引起不適，空肚就會唔夠能量，容易暈低。
資料來源：壹讀
