經常見到父母或者長輩追住小朋友餵食飯。有啲小朋友喺幼稚園會自己乖乖食飯，但返到屋企就要大人餵，呢個就係家長寵壞咗小朋友嘅表現。有研究指出，餵BB食飯會致肥，其實到咗適當時候家長可以放手，叫小朋友自己食，一嚟大人可以輕鬆啲，小朋友食飯又會有成就感，仲可以從小培養自己食飯嘅好習慣。
{adv here}
{adv here}
餵BB食飯容易肥
英國一項新研究發現，喺加固階段經常被餵食嘅小朋友比自己食飯嘅小朋友容易肥。
新研究中，英國斯旺西大學嘅兒科專家對298名小朋友嘅飲食習慣、6~12個月大時嘅加固情況同埋對小朋友嘅行為表現進行評估，之後再同呢班小朋友喺18至24個月大時嘅情況進行對比。結果發現，同家長餵食嘅BB相比， BB自己食飯可以防止體重超標同埋行為異常。
專家指出，BB自己進食有助佢控制食慾，學習自己食飯嘅節奏。而需要家長餵食嘅BB就會容易有肥胖問題。
{adv here}
家長控制小朋友嘅體重，必須要做到：
1. 小朋友生活要充滿樂趣，唔好畀佢哋剩係掛住食。
2. 儘量畀小朋友做多啲室外活動，咁樣唔單止可以增加能量消耗，防止肥胖，仲可以促進心血管功能。
3. 培養小朋友定時定量嘅飲食習慣，唔好過量進食。
4. 大人自己都唔可以暴飲暴食，如果唔係小朋友就會模仿。
5. 唔好用食物對小朋友進行獎勵或懲罰。
6. 要限制小朋友食高脂肪同埋高糖食物，少食油同埋肥肉。幫小朋友準備適量嘅低熱量食品，例如蔬菜同水果。
資料來源：雪花新聞
