愛爾蘭一名媽媽Tara日前起床後，前往嬰兒房查看佢嘅11週大寶寶Oscar時竟意外發現，只係過咗短短一晚，寶寶口中竟然生咗一隻「吸血鬼牙齒」，嚇得佢立即抱著寶寶到附近醫院搵牙醫檢查。
{adv here}
根據外國傳媒報導，Tara來自愛爾蘭東岸嘅德羅赫達（Drogheda），佢憶述當日早上大約7點，佢進入嬰兒房安撫Oscar，通常畀一個安撫奶嘴寶寶吸，佢就會乖乖瞓多一小時。不過當日Oscar一反常態一直喊。於是Tara就將佢抱出房間餵奶，呢個時候就發現Oscar上排牙肉生咗一隻形狀尖尖細細嘅「吸血鬼牙齒」。最令人驚訝嘅係，呢隻牙齒竟然喺一夜之間就生咗出嚟，令Tara感到非常不可思議。
{adv here}
為咗安全著想，Tara決定將Oscar帶往醫院檢查，但係呢間醫院嘅醫生只顧住研究「吸血鬼牙齒是甚麼」，而並非嬰兒嘅身體狀況，於是佢就將Oscar帶到牙科診所。
牙醫檢查過後，採用類似抽吸嘅方式，將Oscar口中嘅牙齒取出。Tara話，佢同丈夫最後將呢隻「吸血鬼尖牙」帶回家留為紀念；起初覺得事件好嚇人，但事後反而覺得好有趣。
資料來源：雪花新聞
圖片來源：Tara O’ Byrne Facebook
