一位心理學家指出，大部分父母、學校只注重小朋友嘅智商同埋成績，往往忽略咗另外2個「商數」。
{adv here}
{adv here}
除咗智商 (IQ) 之外，仲有2個「商數」不容忽視
「智商」係「智力商數」嘅簡稱，話一個人「聰明」，一般就係話呢個人「智商」高。但除咗「智商」，心理學家指出，「情商 (EQ)」同埋「逆商 (AD)」對一個人嘅一生影響更大。
社會上普遍認為情商 (EQ) 高係指一個人「識講嘢」，處事「圓滑」。其實一個情商高嘅人會具有良好嘅自我情緒管理，自我認知、自我激勵，人際關係以及管理他人情緒嘅能力。處理人際關係嘅能力，只係情商嘅其中一小部分。
有啲學生平時成績好好，但一到考試就總係發揮唔到「水準」，原因就係自我情緒管理方面做得唔好，亦即係「情商」出咗問題。EQ低嘅人，往往容易喺關鍵時刻「撻Q」，結果一敗塗地。EQ高嘅人喺做人處事方面可以得到更多人幫助，喺面對挑戰嘅時候，亦能夠有效咁激勵自己，調整自己嘅心態，從而獲得成功。
{adv here}
逆商 (AQ) 對一個人嚟講，比「情商」同埋「智商」更重要。冇人可以成世一帆風順，而現今社會環境嘅壓力越嚟越大，好多年輕人陷入抑鬱不能自拔，就係缺乏AQ嘅表現。「喺逆境中生存」其實係每一個人都要學習嘅技能。動不動就因為一啲小問題而退縮，將來好難成功。
資料來源：每日頭條
