產後強迫症係指生完寶寶後出現嘅強迫症狀，同普通嘅強迫症唔同，呢種強迫症狀多數同傷害初生寶寶有關，例如奶樽冇洗乾淨，寶寶用咗嚟飲奶會病；老公對手冇洗乾淨就抱寶寶，會好容易將病菌傳染畀寶寶；工人姐姐湊寶寶嘅時候，會唔小心整傷佢哋，照顧得唔好甚至會令寶寶死亡等等嘅念頭。呢啲念頭往往都會不自覺咁喺腦裡面出現，媽媽都控制唔到自己。但係產後媽媽通常都察覺唔到呢啲侵入性嘅想法，喺呢啲恐懼思想嘅誘導下，佢哋會瘋狂咁控制老公同埋照顧者嘅每一個行為細節，最後會去到大家都忍受唔到嘅地步。
{adv here}
{adv here}
好多年輕媽媽，湊咗寶寶幾個月之後，可以自動調整返最初過分擔心嘅想法，然後對寶寶慢慢恢復返正常照顧。但係有少部分媽媽會喺寶寶出咗世6個月之後仍然維持呢種症狀，喺呢個情況下家人就需要加倍重視。
如何改善產後強迫症狀？
第一步：確認病情。因為產後強迫症唔似產後抑鬱咁廣為人知，所以患者好難接受自己患上產後強迫症呢個事實，好容易就會將過度擔心小朋友健康，當成只係對小朋友嘅呵護同埋關心，認為丈夫、工人姐姐等人對初生寶寶唔夠關心同埋呵護。要承認自己對小朋友嘅過度擔心係一種病態，係走向康復嘅第一步。
第二步：確定自己嘅丈夫、老爺、奶奶、外傭等人都係愛錫自己寶寶嘅。其實患者經常擔心其他人會造成失誤而令到初生寶寶受到傷害，甚至死亡嘅諗法根本係脫離現實。新手媽媽可以嘗試去肯定其他人同自己一樣咁愛錫同埋呵護寶寶，呢個係患者由扭曲思想走返出嚟現實嘅關鍵一步。
{adv here}
第三步：同自己反覆出現嘅強迫思維鬥爭。如果內心出現強迫性擔心嘅諗法，就攞張紙記錄低自己嘅病態諗法，之後寫返相應嘅客觀事實。例如：病態諗法——如果我唔睇實工人姐姐，佢一定照顧得寶寶唔好，寶寶一定會病，甚至死。客觀事實——雖然好多時我都睇唔到工人姐姐點湊寶寶，但寶寶亦冇因為咁而出事，更何況工人姐姐都湊過好多初生嬰兒，亦都從未聽聞過佢喺照顧小朋友方面出現大問題。
資料來源：華人健康網
