有好多想懷孕嘅女性即使備孕多年，努力嘗試各種方法都依然唔成功。相反，有啲女性就特別容易「中招」，難道真係有易孕體質呢回事？
女人有以下4個特徵，可能就係屬於傳說中嘅「易孕體質」。
{adv here}
1) 不宮寒
女人或多或少都會有宮寒嘅情況，如果唔注意保暖、經常著短褲短裙、飲冷飲、沖凍水涼，就會容易造成宮寒。
宮寒症狀包括：
i) 有經痛、月經有血塊、經血顏色偏黑，或者月經延遲，色淡且量少。
ii) 經常沾寒沾凍，一到冬天就手腳冰冷。
iii) 白帶稀且量多，小便多，舌質淡苔白，面色黯黃。
iv) 經期常出現腰痛背痛、精神差的現象。
v) 腰腹部肥胖，同時氣短乏力、失眠多夢。
有以上5種症狀嘅女性，因為體內寒氣太重，難以受孕，所以平時要特別注意保暖。
2) 子宮前傾
正常情況下，子宮係向前傾，有利於精液累積，增加受孕幾率。但有啲女性天生子宮屬於後傾狀態，精子同卵子距離更遠，受孕幾率就會較低。
建議：行房時可以將女方臀部墊高，完事後繼續抬起臀部臥床20分鍾，咁樣精子就有足夠時間進入宮腔，增加受孕機會。
{adv here}
3) 月經正常
月經規律都係容易受孕嘅必要條件之一。月經規律嘅女性每個月都可以排出成熟卵子，仲可以根據月經周期準確推測出排卵期，以便更快受孕。
4) 體重正常
有數據顯示，過胖或者過瘦嘅女性多數都有內分泌方面嘅問題，而且佢哋嘅月經好多時都唔太規律，所以受孕幾率會較低。
資料來源：找話題
