兒童心理研究指出，3歲前嘅小朋友係幾乎冇性別意識，3歲之後佢哋先逐漸意識到「男女有別」，開始知道自己係邊種性別。所以，為咗唔好令小朋友嘅性格發展有偏差，最好由3歲前就開始培養小朋友嘅性別意識，如果要教導小朋友男仔同女仔嘅分別。專家建議以下做法：
{adv here}
{adv here}
1. 男仔著藍色，女仔著粉紅色
喺英國同德國，一見到初生寶寶嘅包被，就會即刻知道寶寶係男定係女——男仔用藍色被，女仔用粉紅色被。初生寶寶完全冇性別意識，但係所有嘢都需要學習。如果由佢哋一出生開始就穿某種顏色嘅衣物，就可以令佢哋感受到「呢種顏色係屬於我」。
2. 男仔著褲，女仔著裙
裙係女性天然嘅代表，而褲就屬於男性。飄蕩嘅裙仔可以令小女孩由細開始養成溫柔如水嘅特質，仲有百變嘅裙仔亦都可以培養女性特殊嘅審美觀；而小男孩著直畢畢嘅褲更加會令佢哋養成堅毅、果斷嘅性格。
3. 爸爸幫囝囝沖涼，媽媽幫囡囡洗白白
德國教育心理學專家基尼表示，咁做係為咗令小朋友從小就知道，男孩子嘅身體同爸爸一樣，而女孩子嘅身體同媽媽一樣，令佢哋可以早啲了解人體同埋性別。
{adv here}
4. 男仔要多啲抱抱，女仔要多啲錫錫
男人需要認同，女人需要呵護。喺德國會成日見到，如果小男孩幫咗其他人忙，佢哋嘅父母會俾佢哋一個大大嘅熊抱，然後就拍拍佢哋嘅背部表示鼓勵；而小女孩嘅父母多數會錫佢哋一啖作為鼓勵。因為大多數人覺得，擁抱代表肯定，而親吻就代表保護同愛。
5. 男仔玩機械人，女仔玩洋娃娃公仔
小女孩玩娃娃公仔可以更加激發佢母性嘅本能，小女孩大個咗之後會更加善良體貼。相比之下，機械類玩具影響小男孩嘅性別塑造更加大。
6. 男仔做挑戰性運動，女仔做體操
喺英國，年幼嘅小男孩就已經成日俾爸爸強迫去爬山或者游泳；而小女孩就經常被父母帶去學體操。因為挑戰性嘅運動可以培養男仔堅強同埋勇於面對挑戰嘅性格；而體操嘅柔軟同埋美態正正同女性嘅身段配合，多做體操可以培養女孩子溫柔、平和嘅個性。
不過提提各位家長，同女孩子比，培養男孩子嘅性別意識應該要更加早同埋更加用心。特別係爸爸，應該多啲陪伴囝囝，令佢哋可以從父親身上學習點樣做一個男人。
資料來源：Zi 字媒體
