母乳係BB最好嘅營養來源，但調查發現有高達八成媽媽有奶水不足嘅現象。營養師就話，多啲攝取高蛋白質嘅食物同埋飲多啲水都可以幫助分泌母乳。除咗飲食要均衡之外，食多啲含有維他命C嘅水果，例如木瓜、橙、榴槤等等都可以提升人體對蛋白質嘅吸收，對於「追奶」有好大幫助。
{adv here}
{adv here}
3種水果有助泌乳
1. 木瓜：雖然木瓜冇豐胸嘅效果，但係木瓜酵素可以幫助消化、吸收蛋白質，維他命C就可以防止細胞受到氧化傷害，提高蛋白質嘅使用率，而且含有異黃酮類物質，可以增加荷爾蒙分泌。
2. 橙：含有醣類、膳食纖維、維他命B雜、維他命C、胡蘿蔔素、鈣、磷、鉀、檸檬酸、果膠等營養素，可以幫助奶水少嘅媽媽提高母乳產量。
3. 榴槤：含有維他命B1、維他命C、鉀、食物纖維等，適合產後補身，膳食纖維可以增加蛋白質及腸胃營養嘅吸收。
雖然上奶嘅食物種類好多，但效果會因人而異，唔係每一種上奶嘅食物都對全部人有效果，所以媽媽要多啲嘗試，搵出最適合自己身體嘅催乳食物。而最廣為人知嘅上奶恩物包括：
{adv here}
1. 湯品類：花生豬手湯、雞湯、魚湯、青木瓜豬骨湯。
2. 飲品類：黑豆水、雞精、豆漿。
3. 甜品類：酒釀湯圓。
少食多油同煎炸食品
因為媽媽生完BB之後身體各方面都處於恢復狀態，雖然要進補，但都不宜進食大量油膩嘅催乳食物，因為咁樣會令媽媽消化不良。盡量避免以煎炸方式烹煮，食物口味最好清淡。
資料來源：華人健康網
