直升機父母（helicopter parent）係指一啲過份介入子女生活，或者過份保護子女嘅父母。呢類父母就好似直升機咁，喺小朋友附近徘徊，擔心一旦自己唔喺子女身邊，佢哋就會出事。直升機父母認為最好嘅關愛方式，就係幫小朋友做晒所有嘢，其實咁做只會妨礙佢哋培養獨立能力。父母培養小朋友獨立，會影響佢哋一生，獨立嘅人擅於管理自己，仲會有多餘氣力去關心其他人。
{adv here}
以下係培養寶寶獨立能力嘅3大原則。
1) 放手
為人父母，好多時都會先入為主，覺得小朋友「仲未識」、「仲未得」，但事實上，好多小朋友嘅理解能力同創意都遠超出父母想像，遇到困難，佢哋都能力去排解，唔需要靠父母幫忙，所以喺適時候「放手」，就可以培養出獨立嘅小朋友。
2) 不要太害怕孩子受傷
無論係肉體上嘅受傷，定係情感上嘅傷害，都唔可以畀小朋友成為溫室小花，因為終有一日佢會離開呢個溫室。所以，從嬰兒時期，父母就要刻意培養小朋友嘅「忍痛」能力，例如跌倒時，要同佢講：「媽咪頭先同你講過咁做會好危險，係你自己唔小心，跌倒就要自己爬返起身，下次要小心啲喇！」以後小朋友跌倒都可以自己起返身，小碰撞都會不以為意。
{adv here}
精神上，要培養小朋友承受「被拒絕」嘅能力，多啲帶小朋友出去接觸人群，例如公園或者遊樂場，當其他小朋友唔願意分享玩具或者遊樂設施時，寶寶就要承受被拒絕嘅挫折。喺屋企小朋友係公主、王子，但出到外面或者喺學校佢就冇特權，除咗希望小朋友勇往直前，亦都必須培養佢哋承受挫折嘅能力。
3) 完成後馬上鼓勵孩子
父母嘅笑容，就係寶寶最大嘅鼓勵，當佢完成一個任務時，務必要馬上大聲讚佢「叻叻！」。
資料來源：ETtoday
