1. 用「選擇題」解決挑食問題
提供2個選擇畀小朋友，舉個例，如果小朋友唔鍾意食燕麥片，家長可以話：「好，咁你揀你想食香蕉定燕麥片？」用意就係要話俾小朋友知佢一定要食嘢，而家有呢啲選擇，你可以自己決定想食邊樣，但冇得揀「唔食」。要不停同小朋友講嘢，刺激佢哋思考，畀另外一樣食物小朋友選擇就可以成功避開食與唔食嘅戰爭。等佢哋再大個啲就可能會話：「我兩樣都唔要！」到時再想辦法應戰吧！
{adv here}
{adv here}
2. 「演一場戲」令小朋友愛上水果
家長可以為自己準備一碗水果，然後故意同小朋友講：「呢碗水果係我嘅，冇你哋份！」再慢慢一啖一啖咁食，做出「水果真係好好味」嘅表情，呢個時候小朋友就會好想食，喺佢哋眼中，大人食嘅嘢都係「好嘢」，尤其係佢哋唔食得嗰啲。跟住，小朋友就會問：「媽咪，我可唔可以食一舊呀？」家長要繼續做戲：「唔得，係我嘅，你哋唔食得。」小朋友一定會繼續追住話要食，呢個時候家長就要表現得好無奈：「好啦好啦！畀你食一舊啦！」咁就順利令小朋自願食水果。
{adv here}
3. 設計食飯小活動
小朋友唔鍾意食菜點算好？家長可以畀一個碗仔小朋友，叫佢加少少醬油，少少檸檬或者醋，做成一碗小調味料，然後同佢講，如果覺得青菜冇味，可以點少少調味料先食，小朋友就會發現原來食飯都可以好好玩好有趣，佢就會不自覺地慢慢將菜食完。
4. Google看世界，從此不挑食
家長可以Google一啲相片畀小朋友睇，例如皮黃骨瘦嘅小朋友蹲喺街邊食飯嘅相，然後同佢講：「你睇呢個小朋友幾可憐，手上只有少少白飯，冇菜冇肉。你就餐餐有菜有肉，應該要覺得幸福，要珍惜食物，要乖乖地食晒碗飯呀。」
資料來源：華人健康網
