對抗疾病，最好嘅方法就係提前做好預防措施，因為準媽媽都會擔心服用藥物對胎兒造成不良影響，懷孕後唔敢隨便食藥。但由於懷孕期間受到體內激素分泌嘅影響，準媽媽嘅抵抗力會變差，好多孕婦疾病都會隨之而來。以下4種常見孕婦疾病，準媽媽們要特別注意。
{adv here}
1) 痔瘡
預防痔瘡嘅發生主要從日常飲食入手，避免進食辛辣食物，例如辣椒、胡椒、薑、蔥、蒜頭等，以及油炸食物、難消化嘅食物，做到飲食清淡，以免引起便秘，可以有效避免痔瘡嘅發生。另外準媽媽要做適量運動，例如孕婦瑜伽，有助改善血液循環。如果孕婦發現自己已經患上痔瘡，可以進行肛門收縮運動，加強肛周嘅血液循環，養成良好排便習慣，如廁時切勿睇雜誌玩手機。
2) 妊娠糖尿病
好多孕婦都覺得懷孕後要好好補充營養，畀自己放任開懷大吃，好容易會食多咗甜嘢。但懷孕期間激素分泌唔穩定，內分泌會失調，食過量甜食身體會代謝不掉，從而導致糖尿病，對胎兒嘅發育造成不良影響。所以準媽媽們一定要控制飲食，多啲進食高纖食物促進腸胃蠕動，加強身體代謝，避免血糖升高，有助控制體內血糖含量，亦都可以增加飽腹感。
{adv here}
3) 水腫
孕婦想改善水腫不適，應該儘量抬高腿部，有利於下肢靜脈迴流。最好可以打側瞓低，然後喺小腿位置墊一個小枕頭，休息半小時。孕婦最好多飲水，有助於排泄系統將體內廢物排出，防止水分喺體內停滯。
4) 妊娠高血壓
預防妊娠高血壓，準媽媽嘅生活作息應該有規律，儘量早睡早起。由於高血壓患者最怕就係血管異常收縮，而天氣凍會增加血管收縮情況，所以天氣寒冷時要加培注意保暖，避免體溫過低，令血管收縮得更嚴重。至於已經確診患有妊娠高血壓嘅孕婦，只要按照醫生指示調整生活模式，按時服用正確藥物就可以控制血壓。
資料來源：雪花新聞
