好多人都知道早期教育嘅重要性，但究竟應該幾時開始呢？其實早期教育嘅最佳時期係喺2歲半左右。
2歲半嘅幼兒正處於生理同心理發育嘅關鍵時期，父母應該繼續開發小朋友嘅智能，亦都要引導佢哋逐步養成良好嘅生活習慣。爸媽們可以參考一下以下係4個早期教育方法。
{adv here}
1) 要認真回答小朋友嘅問題，呢個時期嘅寶寶詞彙已經非常多，可以講到完整句子，有時仲會不停講嘢，對身邊所以事物都充滿好奇心，經常會問「點解」。呢個時候父母需要有耐性，要有問必答，而且要用小朋友聽得明嘅簡單詞語表達，如果遇到唔識答嘅問題，應該同小朋友一齊睇書或者上網搵答案，千祈唔好為咗應付佢哋而亂講。
2) 識別大小，形狀同顏色。呢個時期嘅小朋友，已經有分辦各種顏色同大小形狀嘅概念。日常說話中，可以刻意強調形容物體大小、形狀同顏色嘅詞語，無形中喺寶寶腦入面形成一啲概念，再用咭紙或者積木等教小朋友認識不同顏色、基本幾何圖形（方形，圓形等）以及比較物體嘅大小。咁樣小朋友嘅大腦先會越來越發達，智能會得到迅速嘅發展。
{adv here}
3) 多啲畀小朋友做運動，令寶寶嘅體能同智能可以同步發展。其實做運動唔一定要喺戶外，可以畀寶寶喺室內做吓幼兒體操，但要注意寶寶安全。
4) 鍛鍊手指有助促進大腦發育，可以畀小朋友做一啲簡單小手工，例如剪貼，摺紙等。正確使用鉸剪可以鍛鍊寶寶手指肌肉，但一定要注意安全，必須喺家長陪同下進行。
資料來源：壹讀
