打嗝係因為頸椎、胸隔、腸胃，其中一個部位嘅神經受到刺激，引起橫隔膜收縮，一般受到寒冷刺激、食得太飽、食得太快、食太多乾硬食物，都可能會出現暫時性嘅打嗝。大部分打嗝幾分鐘後會自動停止。
{adv here}
{adv here}
1. 飲水彎腰法
準備一杯暖水，分幾次慢慢吞下，同時做10~15次90度彎腰動作。因為胃部離橫隔膜較近，做彎腰動作可以溫暖橫隔膜，內臟仲可以對橫隔膜起到按摩作用，從而緩解橫隔膜痙攣，達到止嗝嘅目的。
2. 伸拉舌頭法
用一塊乾淨紗布包住舌頭，用手指捏住舌頭向外拉扯，呢個時候就會感到腹部有氣體上升，打嗝自然就會消除。
3. 深呼吸法
食嘢嘅時候發生打嗝可以暫停進食，然後做幾次深呼吸，一般喺短時間內可以止嗝。
{adv here}
4. 閉氣法
閉氣30~45秒，或者用一隻乾淨筷子放入口，輕輕刺激上顎1/3位置，打嗝症狀會立即停止。用筷子刺激上顎可以誘發咽反射，令人突然閉氣，令氣道內嘅二氧化碳濃度增高，從而干擾打嗝嘅神經反射，但係心肺功能唔好嘅人就不宜用呢個方法。
5. 吞糖法
乾吞一茶匙白沙糖 (唔可以飲水) ，幾分鐘後就可以止嗝。糖喺口腔入面可以改變原本嘅神經跳動，阻止橫隔膜收縮。
資料來源：壹讀
