一般嬰幼兒大約10~18個月大就可以開始訓練自覺性排尿，4歲左右嘅幼兒一日會排尿4~6次，而且大多數喺日頭都能夠好好咁控制排尿，而控制夜晚排尿就要延遲到5歲左右，所以5歲以下嘅幼兒夜晚發生無意識排尿係正常生理現象。
{adv here}
而5歲或以上嘅小朋友夜間不自覺嘅排尿就係夜遺尿，亦即係俗稱嘅尿床。
6招改善兒童尿床
首先，家長必須明白，尿床唔係小朋友嘅錯或者故意行為，所以唔應該因為咁責備小朋友，咁做只會令到小朋友更緊張焦慮。家長可以採取以下措施幫助小朋友改善夜遺尿問題。
{adv here}
1. 正面鼓勵小朋友。喺小朋友冇尿床嘅時候，家長可以獎勵小朋友，同時將佢記錄喺一個小朋友可以睇到嘅日曆表上，咁樣小朋友就可以睇到自己嘅進步。
2. 提醒小朋友喺日間要去小便最少4~7次，睡前必須將尿排乾淨。如果小朋友夜晚突然醒來，家長就要立即帶小朋友去排尿。
3. 儘量喺日間多飲水，最好將一日水分攝取量嘅8成安排喺5點前飲用，喺下午5點之後就儘量少飲水。可以嘅話，睡前2小時內避免飲用任何飲料。
{adv here}
4. 唔好畀小朋友飲用高糖分或含有咖啡因嘅飲料（如汽水），尤其喺傍晚時分。
5. 父母要留意小朋友夜間尿床嘅時間，喺小朋友經常尿床嘅時間提前30分鐘用鬧鐘叫醒小朋友去排尿。
6. 日間唔好令小朋友太勞累，避免安排太多活動或者劇烈運動，5歲以下幼兒應該喺中午時段小睡1~2小時，以免夜晚瞓得太腍。
資料來源：大紀元
