想牙齒好，就要令寶寶從小注意口腔衛生，而且越早越好。以下係兒童口腔護理嘅6大竅門。
1) 避免含住奶頭入睡
嬰兒期避免畀寶寶飲用果汁等甜飲料，唔好畀佢含住奶樽嘴（或奶頭）入睡，否則會導致睡眠中口腔內嘅細菌滋生。
{adv here}
2) 不要用口「清潔」奶嘴或匙羹
好多家長都會用自己個口「清潔」寶寶嘅奶嘴或匙羹，餵寶寶進食之前都習慣親口試試溫度。其實呢個做法好容易將成人嘅口腔細菌傳畀寶寶。
3) 飲完奶後清潔牙齦
從出生後至4個月大，寶寶飲完奶，最好用乾淨濕紗布幫佢清潔牙齦，有助於清潔口腔入面嘅殘留食物，保持牙齦健康。
4) 出牙後就要開始刷牙
寶寶出牙後，應該用嬰兒牙刷加水或者無氟牙膏幫寶寶刷牙。6歲前，好多小朋友仲未完全掌握到刷牙方法，家長應該幫小朋友刷牙，先捉住小朋友隻手教佢刷一次，再親自幫佢刷一次，培養良好嘅護齒習慣。
{adv here}
5) 關注嬰兒食品含糖量
6個月後，寶寶已經開始加固，呢個時候要開始關注嬰兒食品中嘅糖含量。糖會增加寶寶口腔酸性，容易令口腔變成細菌滋生嘅溫床。
6) 1歲開始睇牙醫
1歲後可以帶寶寶睇牙醫。定期牙科檢查對於寶寶嘅口腔健康非常關鍵，家長應該認真聽取牙醫提出嘅護牙建議。
資料來源：每日頭條
