什麼是夢遊症？
如果你發現小朋友夜晚瞓瞓吓會自己起身走動，雙眼無神同無意識，第二朝瞓醒對自己昨晚做過嘅事冇晒記憶，咁就可能係發生夢遊症。有15%嘅兒童有夢遊經歷，多數發生喺8~12歲，每次可持續5~30分鐘。夢遊症屬於睡眠障礙，通常發生喺睡眠嘅前1/3深睡期，即係入睡後2小時。
{adv here}
為什麼會出現夢遊症？
1. 心理或社交障礙：例如小朋友同媽媽分開而感到焦慮、學業壓力等。
2. 缺乏睡眠：小朋友日間太過勞累，或者習慣夜瞓，導致長期唔夠瞓。
3. 家族遺傳：有夢遊症家族史嘅小朋友出現夢遊症嘅機會比較高。
4. 生病：病一般被視為身體嘅一種壓力，會影響小朋友嘅睡眠質量。
{adv here}
如何處理與治療？
1. 充足睡眠：適量安排學習課程，幫小朋友培養早睡早起嘅習慣，避免過度疲勞同精神緊張，保持良好睡眠規律。
2. 給予小朋友安全感：搵出小朋友焦慮嘅原因然後對症下藥，如果小朋友係因為同母親分開或者父母嘅陪伴減少咗而感到焦慮，可以畀小朋友多啲關愛同親子時間。
3. 不要太嚴厲責備同懲罰小朋友：如果小朋友學業成績唔理想或者行為欠佳，可以給予多啲鼓勵而非一味責備，避免要小朋友承受過多心理壓力。
{adv here}
4. 減少小朋友對夢遊嘅恐懼：唔好喺小朋友面前談論佢夢遊嘅事或者發病時叫醒佢，避免令小朋友受驚。
5. 喺發病前叫醒小朋友：如果小朋友經常夢遊，家長可以嘗試每晚喺發病前將小朋友輕輕叫醒約15分鐘，然後再安撫佢入睡。重複咁做可以減少發病嘅頻率甚至痊癒。
資料來源：大紀元
