炎炎夏日，嬰幼兒皮膚幼嫩，汗水夾雜細菌加上悶熱天氣，就係造成嬰幼兒熱痱嘅3大元兇。今次就為大家介紹預防熱痱嘅方法。
{adv here}
1) 酷熱天氣下，嬰幼兒應該儘量留喺室內有冷氣嘅地方，如果一定要去戶外，就要儘量留喺乾爽、陰涼嘅地方，並確保寶寶有足充水分。母乳同配方奶都含有大量水分，1歲以下嘅寶寶可以飲奶補水，儘量保持舒爽。
2) 幫寶寶穿上寬鬆透氣嘅衣服，材質方面儘量選擇紗布或棉布。即使寶寶出汗，汗水都會好快被衣服吸乾或者蒸發走，可以避免毛孔被汗水堵塞而引發熱痱。
3) 特別留意容易潮濕嘅部位，例如寶寶嘅頸部、腋下、關節位等皮膚皺褶多，容易出汗嘅地方。出汗多時應及時用乾淨濕布抹乾，防止細菌滋生。
{adv here}
4) 避免使用嬰兒爽身粉，因為爽身粉吸咗寶寶汗水後，就會變成麵粉遇水一樣嘅質地，粘住喺寶寶皮膚上，會喺寶寶皮膚表面形成一道屏障封閉毛孔，容易引起熱痱。
5) 時不時檢查寶寶是否太熱。如果你唔肯定，可以摸摸佢嘅頸部或背部，額頭等，如果皮膚濕濕熱熱，就即係寶寶已經太熱，需要幫佢降溫。
資料來源：愛讀網
