1. 燕麥片
小朋友早餐食燕麥片，可以補充蛋白質、纖維、維他命、礦物質等多種營養素。例如喺早餐燕麥片加入堅果碎、蜂蜜（1歲後）、牛奶等，對於小朋友嘅腦部發展有好處。
{adv here}
{adv here}
2. 雞蛋
雞蛋有一種幫助刺激大腦發展嘅蛋白質「膽鹼」，研究顯示，可以幫助形成更多記憶細胞，另外，如果懷孕期間補充含有膽鹼嘅食物，例如雞蛋（蛋黃）、牛肉、花生等，可以幫助胎兒發育得更完整、舒緩壓力等。
3. 植物種子
植物種子，例如南瓜子、葵花籽、亞麻籽含有豐富嘅omega-3不飽和脂肪酸，可以幫助大腦發展。
4. 補腦水果奶昔
如果小朋友唔鍾意食生果，可以將水果打成一杯果汁，用牛奶做基底，再加上藍莓或香蕉等水果。
示範食譜：1杯牛奶、半杯藍莓、半條香蕉、1大匙原味乳酪、1匙蜂蜜、1小匙種子碎仁。全部材料打勻，亦都可以加少許堅果。
{adv here}
5. 魚肉
三文魚、吞拿魚都含有Omega-3脂肪酸，可以促進腦部發展，增強記憶力。研究發現，如果Omega-3長期攝取不足，容易出現注意力唔集中，抑鬱或者失智等病症。
資料來源：華人健康網
