1. 不要講「BB話」
乜嘢「食飯飯、著鞋鞋」已經out啦！教bb講嘢要用正常詞語同埋句子，例如：食飯、著鞋。
說話時要採用緩慢嘅長音、高音，句子要簡單，再配合誇張嘅面部表情，可以幫助bb理解語言同學講嘢。
{adv here}
{adv here}
2. 多啲同bb講嘢
唔好以為bb仲細就理解唔到大人講嘅嘢，其實佢哋聽得明。當bb肚餓嘅時候，你可以同佢講「bb係咪肚餓喇？媽媽而家餵你食奶啦」；帶bb出去玩嘅時候，可以指住見到嘅物件然後講出名稱，例如：車，雀仔、花。
總之，無論你做乜嘢，見到乜嘢，都可以話俾bb知，令佢接觸更多詞彙。
3. 多尊重、多鼓勵
尤其當著其他人面前，唔好話小朋友唔鍾意講嘢，令佢感到難堪，更加唔願意開口講嘢。家長應該尊重小朋友，多啲表揚、讚美佢哋，幫助佢哋建立信心，鼓勵佢哋多啲講嘢。
4. 好好運用音樂同埋遊戲
可以選擇一啲簡單兒歌，同bb一齊重複咁唱，再配合埋動作，例如識別身體部位嘅遊戲，大少少嘅小朋友可以玩角色扮演遊戲，例如煮飯仔、睇醫生等場景，玩緊遊戲嘅時候，如果聽唔明小朋友嘅意思，可以要求佢再重複一次。
{adv here}
5. 睇書讀出聲
閱讀可以畀小朋友接觸到更多詞彙，可以由最簡單嘅繪本開始，隨著小朋友嘅成長，逐漸增加故事嘅長度。
如果佢對於書中嘅某啲內容比較有興趣，可以重複咁讀畀小朋友聽，同埋鼓勵佢模仿你講嘅嘢。
資料來源：壹讀
