蛋白質一般可分為2大類，一種係動物性蛋白質（來源：蛋、奶、魚、肉），另一種係植物性蛋白質（來源：豆類、堅果或蔬菜等）。大部分植物性蛋白質多為「不完全蛋白質」，無法完整提供人體所需嘅胺基酸，必須透過「胺基酸互補」，同時攝取多於一項有蛋白質嘅食物，先能夠獲得必需嘅胺基酸。咁到底邊啲蔬菜含有高蛋白質呢？多食以下6種蔬菜，可以幫助唔鍾意食肉嘅小朋友補充蛋白質。
{adv here}
1. 菠菜
好多人都知道菠菜含有豐富鐵質，但就冇乜人知佢係高蛋白蔬菜，半杯菠菜就已經有3克蛋白質。
2. 西蘭花
除咗高纖之外，原來西蘭花都好高蛋白質，一份就有2克蛋白質。
3. 青豆
雖然好多人唔鍾意食，但其實半杯青豆已經含有3.5克蛋白質。
{adv here}
4. 南瓜
一安士南瓜含有9.35克嘅蛋白質，比同等份量嘅牛肉仲要多！
5. 海帶
營養價值高，有防癌利尿作用，比牛肉多12倍蛋白質。
6. 蘆筍
蛋白質含量非常驚人，5條就等於一匙堅果，仲含有多種維他命，係多功能嘅「超級蔬菜」。
{adv here}
要確保可以得到所需嘅各種胺基酸，上述食物必須配搭穀類一齊食，例如糙米、全麥麵包、紫米、糙薏仁等， 先能夠令蛋白質達到最佳營養功效。
資料來源：大紀元
