澳洲悉尼一名6歲女童行百貨公司時發生意外，當時佢伸手攞一件粉紅色上衣，結果一個不小心企唔穩，被陳列衣服嘅金屬掛勾插入右眼，當場血流成河，嚇壞同行嘅婆婆，幸好冇傷到眼球，但眼窩嘅肌肉同埋神經已受損，眼皮被鎅甩，狀甚恐怖。
{adv here}
根據澳洲媒體報導，6歲華裔女童 Cecilia Chan 於1月8日同婆婆一齊喺當地一間連鎖百貨公司 Kmart 購物時，右眼慘被掛勾插傷。母親黃女士 (Jill Huang) 表示，「佢想買一件粉紅色上衣，所以伸手去攞，當時佢婆婆就企喺旁邊，正在幫忙睇衣服尺碼，一切都發生得太突然，Cecilia並冇到處亂跑，無論婆婆當時有幾小心，都好難避免意外發生。」
{adv here}
其後Cecilia被救護人員送到位於 Randwick嘅悉尼兒童醫院接受治療。黃女士表示，女兒嘅眼球雖然冇受傷，但右眼眼窩嘅肌肉、神經同埋淚腺受損，眼皮亦都被撕開，醫生目前無法確定係咪會造成永久性傷害，但眼皮嘅外觀就從此不一樣。
{adv here}
報導中指出，當地之前都曾經發生過類似事件，一名5歲同一名1歲多女童都係喺百貨公司購物時，不慎被掛勾插入眼窩。黃女士表示，出事後百貨公司嘅陳設完全冇改變，希望透過女兒嘅事件令大家提高警覺。Kmart公司發言人則回應，公司已經注意到Cecilia嘅事件，將會進一步審查店內陳設，減低同類意外嘅發生率。
資料來源：ETtoday
