準媽媽要注意，懷孕期間就算幾為食都唔可以亂食嘢！研究顯示，孕婦喺懷孕期間攝取過多糖分，可能會增加寶寶患上敏感或者敏感性哮喘嘅風險。
{adv here}
{adv here}
根據報道，呢項由英國倫敦瑪麗王后大學進行嘅研究指出，準媽媽如果喺懷孕期攝取高糖飲食，生出嚟嘅寶寶同一般小朋友比，患過敏嘅風險會高38%、患2種以上過敏原嘅風險都會多73%、患敏感性哮喘嘅比例仲會超出101%，亦即係話懷孕媽媽攝取高糖分飲食，會令寶寶患敏感性哮喘嘅比例超過1倍。
不過，研究人員都指出，目前呢項研究結果都係屬於「觀察性」研究，仲未證實到「食糖」同「慢性哮喘」有確實嘅關聯性，只係根據數據推測攝取過多糖分，可能會對胎兒嘅健康造成不良影響。
{adv here}
雖然暫時仲未確定到孕婦攝取高糖飲食，就「一定」會增加小朋友患上敏感嘅可能性，但各位準媽媽依然唔可以掉以輕心，懷孕時食太多甜食都可能會令媽媽增加患「妊娠糖尿病」同埋「妊娠毒血症」嘅風險，亦都會令剖腹產嘅機會大增，寶寶出世嘅時候亦都可能會出現呼吸困難、黃疸、血糖低等情況，對媽媽同寶寶都會造成傷害。
資料來源：每日頭條
