人體最主要嘅成份就係水，大約占成人體重嘅60～70%，所以小朋友係絕對需要補充水分。咁點解小朋友唔鍾意飲水？點先可以令小朋友自願飲水？
{adv here}
{adv here}
點解小朋友唔鍾意飲水？
1. 當小朋友仲係嬰兒嘅時候，好多家長都冇注意餵小朋友飲水，久而久之令佢養成唔飲水嘅習慣。
2. 如果爸媽經常畀有味飲品小朋友飲，佢哋就會習慣咗飲有甜味嘅嘢，返唔到轉頭，唔肯飲無味嘅水。
3. 幼稚園、學校飲水條件欠佳，家長又冇畀小朋友帶水返學飲，同樣都會造成小朋友唔鍾意飲水。
如何引導小朋友飲水？
1. 玩飲水遊戲
你可以搵兩隻杯，喺兩隻杯入面放同樣份量嘅水，一隻畀小朋友，一隻畀自己，然後同小朋友一起玩「乾杯」遊戲。
2. 屋企唔存放有味飲品
家長首先要做到唔買有味飲品，就算偶爾買畀小朋友過口隱，都應該即場飲晒。
3. 父母做榜樣
父母飲水時，故意喺小朋友面前做出誇張動作，激發起小朋友飲水嘅慾望。
4. 「跟風」效應
小朋友都有一個共通點，就係見到其他小朋友做乜就會跟著做。建議家長帶小朋友出街玩時事先預備一樽水，只要見到其他小朋友飲水，就及時遞水畀自己嘅小朋友飲。
{adv here}
5. 更換杯子
為小朋友準備2~3隻杯，輪流更換畀小朋友飲水。儘量選擇小朋友鍾意嘅卡通人物同埋顏色，最好每隻杯嘅飲水方式都有少少唔同，令讓小朋友有新鮮感。
6. 甜味白開水
爸媽可以喺清水入面放一片蘋果片或者梨片，令水帶少少甜味。
資料來源：每日頭條
