狗狗係人類最好嘅朋友，但有人認為，養狗可能會對寶寶造成不良影響，懷孕後唯有逼不得已將佢哋送走，呢個觀念又係咪正確呢？外國有研究證實，養狗對小朋友有以下6個好處。
{adv here}
1) 增強免疫力
屋企有養狗嘅小朋友通常會比較健康，擁有較強嘅免疫力，亦都冇咁容易出現敏感症狀，患上氣喘等呼吸道疾病嘅風險較低。
2) 性格會更正面
成長過程中有毛孩陪伴，容易培養出活潑、好動嘅小朋友，思想都會比較正面、善良。
3) 小朋友會更有愛心
喺同狗狗相處嘅過程中，可以令小朋友更加有愛心同耐性，學識點樣照顧同愛護動物。
4) 親子關係更融洽
一隻可愛狗狗會無意中拉近父母同小朋友嘅距離，令彼此之間更親近。一家大細經常一齊照顧毛孩，例如帶狗狗散步、幫狗狗沖涼等，都會令親子關係變得更緊密。
{adv here}
5) 舒緩壓力
狗狗嘅一舉一動都非常可愛，十分治癒！當你抱起狗狗時，大腦會釋放出催產素，一種可以令人心情變好嘅賀爾蒙，有助減輕不安及煩躁情緒。
6) 培養責任感
養狗可以培養出小朋友嘅責任感，藉著親自照顧狗狗嘅起居飲食，例如帶狗狗去散步、陪狗狗玩等，都可以提升小朋友嘅責任心。
資料來源：ETtoday
