玫瑰疹主要發生喺6個月至2歲大嘅嬰幼兒，但3歲以下都有可能出現，而少部分寶寶可能會出兩次玫瑰疹。玫瑰疹嘅主要症狀係持續高燒，高燒可能達到39~40度，就算服用退燒藥後暫時退咗燒，藥效過咗又會再發燒，反反覆覆有可能持續3~5日。
{adv here}
{adv here}
玫瑰疹係由過濾性病毒（人類疱疹病毒6及7型）引起，具體徵狀如下：
發病初期：最初幾日高燒，可高達39~40°C，可能同時出現輕微呼吸道、腸胃徵狀，例如流鼻水、咳嗽、肚痛等
發病中期：高燒3~4日後開始減退，同時身體出現芝麻咁大嘅紅疹；紅疹唔痛唔痕，唔會突出皮膚表面，最初出現喺頭部、腹部，然後蔓延到手腳、背部
發病後聲：紅疹持續2~3日後，小朋友體溫逐漸回復正常
{adv here}
玫瑰疹一般唔需要打針或者刻意戒口，服用退燒藥，多休息同飲水就可以。有唔少家長認為，出疹期間唔可以沖涼，其實係錯誤觀念。相反，小朋友應該多啲用暖水沖涼，促進血液循環同埋散熱。雖然玫瑰疹雖然傳染風險低，但患病期間不宜四處外出或接觸其他小朋友。
資料來源：健談網
