好多家長認為初生嬰兒頭髮嘅生長情況同喺母體內時攝取嘅營養有關，或者頭髮少係因為缺鈣。其實小朋友頭髮稀疏，並唔係缺乏鈣質，亦唔一定係缺乏營養。頭髮係由毛囊生長出來，最長嘅「生長期」可達2~3年。而幼兒嘅毛髮一般較幼、較短同埋顏色較淺。所以有啲小朋友到咗一歲，頭髮仍然好稀疏。大部份小朋友要到兩三歲，頭髮先會逐漸濃密起來。
{adv here}
{adv here}
如果小朋友缺乏鐵質、患有新陳代謝病或某啲綜合症，有可能會引致頭髮稀少，但通常都會有其他病徵，例如牙齒、指甲、皮膚或者生長指數 (身高、體重) 出現問題等。如果小朋友只係純粹頭髮較稀疏但健康成長，冇其他徵狀，你可以繼續觀察，但唔需要擔心。如果你懷疑小朋友營養方面出咗問題，可以諮詢營養師或者醫護人員意見。
{adv here}
如果有以下情況，就要向醫生求診：
– 除了後枕位置外，有明顯局部頭髮脫落
– 過多的皮屑或脫髮
– 家族中有先天性無體毛症和排汗問題
資料來源：衛生處家庭健康服務
