相信大家都聽過，懷孕期間一定要補充多啲營養素，特別係葉酸、魚油同埋維他命A，殊不知呢3種營養素如果攝取過量，反而會對孕媽同埋胎兒造成傷害。首先講講葉酸，懷孕前後3個月內，適量補充葉酸可以有效幫助胎兒神經管發育，但過量服用就有可能導致bb長大後肥胖、胰島素出現阻抗性等問題。
{adv here}
{adv here}
維他命A可以預防夜盲症，幫助皮膚、黏膜組織同埋牙齒骨骼發育，可分為動物性或植物性，動物性維他命A主要成分係視網醇，可直接被人體吸收，但攝取過量（4000IU以上），有可能導致流產或胎兒畸形。至於魚油，因為佢含有豐富嘅DHA，有助胎兒腦細胞發育，但部分市面上出售嘅深海魚油使用大型魚嘅脂肪所提煉而成，有可能含重金屬同毒物，所以建議孕媽選擇已通過重金屬檢測嘅魚油產品。此外，孕媽必須喺生產嘅一個月前停止服用魚油，否則會影響到生產時嘅凝血功能，導致流血不止。
{adv here}
其實孕媽只要能夠做到均衡飲食，並唔需要刻意額外補充維他命。然而，現代人經常外出用餐且生活忙碌，導致蔬果攝取量不足，呢個時候就可以透過孕婦補充劑來補充缺乏嘅營養素。最後提提大家，購買前應注意各種營養素嘅含量，避免過量攝取。
資料來源：每日頭條
