除咗減肥瘦身，產後仲需要關注乳房下垂嘅問題！
懷孕時，因為乳腺增大，乳房cup數都會隨着增大，好多人會私下覺得開心。不過呢種喜悅維持唔到幾耐，通常生完BB後乳房組織就會萎縮，之前撐大嘅胸部就會變得鬆弛，有啲人唔單止打回原形，仲因為咁令到乳房下垂。
{adv here}
{adv here}
乳房下垂係指乳頭位置比乳房下緣皺摺更低，常見原因包括：隨著年齡增長造成乳房皮膚失去彈性及鬆弛；生BB後乳房乳腺萎縮，皮膚失去支撐而下垂；大量減重減少脂肪，但係皮膚組織過多造成乳房下垂；乳房過大過重都會容易造成下垂。
6招預防產後乳房下垂
到底點樣防止乳房下垂？美國健康資訊網站Livestrong.com提供6個保健方法：
1. 懷孕期間乳房變大，胸圍嘅size都要變大去提供適當嘅支持。生BB後因為乳房變細，要揀返啲較細size嘅胸圍。
2. 控制懷孕期間嘅體重增加，唔好過度肥胖提高產後乳房過重同埋拉扯皮膚而下垂嘅機率。
3. 保持皮膚濕潤同彈性，可以適量按摩或者搽乳液。
{adv here}
4. 正確哺餵母乳，避免比BB牽引乳頭，適量補充營養，同時提供BB同胸部皮膚嘅營養所需。
5. 避免產後快速減肥，防止皮膚係短時間大量損失養分，適量同緩慢嘅減肥計劃先有助皮膚彈性恢復返去產前狀態。
6. 練習舉啞鈴唔單止可以幫助減肥同紓緩壓力，仲可以強化支持乳腺組織嘅胸部同背部肌肉，防止下垂。
資料來源：華人健康網
